Finlândiya ükümeti Ukrayinağa yañı mudafaa yardımı paketini berdi, dep yazıla memleketniñ Mudafaa nazirliginiñ bildirmesinde.
Müessiseniñ malümatına köre, yañı yardım paketine tahminen 100 millon yevrolıq qoşma mudafaa donatmalar kirgen.
Bugüngece Finlândiya Ukrayinağa endi 1,5 milliard yevrolıq yardım bergen.
"Ukrayinanıñ mudafaa küreşiniñ haritasına qoyulğanı - Avropa ve Finlândiyanıñ kelecek on yıldaki telükesizlik istiqballeridir. Ortaqlarımız ile beraber ukrayinalerni desteklemege devam etemiz", - dep bildirdi Finlândiya mudafaa naziri Antti Hakkinen.
Finlândiya tarafından kösterilgen yañı yardımnı Ukrayina devlet başı izaatladı. Onıñ sözlerine köre, "bu destek yalıñız Ukrayinanı degil, Finlândiya ve Avropanıñ da telükesizligini arttıra".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
