Filippinlerde iyulniñ 23-nde Cenübiy-Şarqiy Asiya devletleri Birliginiñ tedbirlerinde ABD devlet kâtibi Marco Rubio ve Rusiye Tış işler naziri Sergey Lavrovnıñ körüşüvi olıp keçti, dep bildire RT Telegram kanalı, subet tahminen yarım saat devam etti, dep qoşaraq.
Devlet departamentiniñ vekili Tommy Pigott körüşüv keçirilgenini tasdıqlap, taraflar "ABD ve Rusiye arasındaki munasebetlerni ve Rusiye ve Ukrayina arasında cenkni bitirmek kerek olğanını muzakere ettiler", dep qoştı.
Şimdilik bir añlaşma aqqında haber yoq.
RFE/RL mühbiri Aleks Raufoglu ABD Tış işler nazirinden Rusiye zenaatdaşına Ukrayina meselesinde basqı yapacaqmı dep soradı.
"Basqı aqqında aytmaq yersiz, bu aqta laf etecem… ABD açıq qala ve cenkni bitirüv meselesinde konstruktiv rol oynamağa tırışa", – dedi Marco Rubio.
Bundan evel Rusiye Tış işler naziri Sergey Lavrov Rubiodan ABD prezidenti Donald Trumpnıñ Ukrayinadaki cenkni tez bitirüv imkânı aqqında sorar, dep ayttı.
Mayısnıñ soñunda Rusiye Tış işler naziri Sergey Lavrov ABD devlet kâtibi Marco Rubio ile telefon subetinde "Amerika tarafına resmiy şekilde bildirdi ki", Rusiye arbiyleri "Kyivde Ukrayina Silâlı quvetleriniñ ihtiyacları içün qullanılğan obyektlerge ve qarar alınğan merkezlerge muntazam ve ardı-sıra darbelerine başlay".
Rubio Rusiye zenaatdaşınıñ aytqanlarını izaatlap, Rusiyeniñ Ukrayinağa qarşı darbeleri "cenk bitmek kerek olğanını" tasdıqlay.