Ukrayina futbol assotsiatsiyası, 2026 dünya çempionatı içün qura taşlavı vaqtında UAF-nıñ Qırımsız Ukrayina haritasınıñ resimini köstergen mektübine FİFA-dan cevap alğanını bildirdi.
"Ukrayina futbol assotsiatsiyasınıñ bildirgen qasevetine büyük ürmet ile yanaşamız ve bu mevzunıñ hassaslığını añlaymız. Bu infografik harita üçünci taraf tarafından — tış hızmetler yapıcı tarafından işlep çıqarıldı. Bu problemni körgenimizden soñ, vaziyetni çezmek içün acele adımlar attıq, hususan, resimniñ çıqarılması içün adımlar atdıq. Bundan da ğayrı, böyle hatalar kelecekte tekrarlanmaycağından emin olmaq içün iç teşkerüv keçirecekmiz", — dep yazıla FİFA-nıñ UAF-ğa mektübine bergen cevabında.
FİFA bu vaqianı "aselet etilmegen areket" dep adladı ve "bu vaziyetni çezmek içün çalışamız" dedi.
"Bu meseleniñ hassaslığını yahşı añlaymız, ve bu vaqia istemese de, sebep ola bilecek maneviy zarar içün samimiy surette peşman etemiz, ve biz bu vaziyetni çezmek içün çalışqanımız içün, añlavıñıznı minnetdarlıqnen qabul etemiz", — dep yazıla mektüpke cevapta.
2026 dünya çempionatına qura taşlavı vaqtında dekabrniñ 13-nde FİFA ştab-kvartirasında Rusiye tarafından ilhaq etilgen Qırımsız Ukrayina haritası numayış etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
