Fevralniñ 22-nde Lvivde "Qırım künleri" başlandı. Olar fevralniñ 24-nece devam etecek. Programmanıñ açıluvı Lviv vilâyet şurası ve memuriyeti binaları yanında Ukraina ve qırımtatar bayraqlarınıñ köterilmesinden başlandı.
"Lvivde "Qırım künleri"ni başlaymız. Soñki aftanıñ vaqiaları bu kibi adiselerniñ timsaliy olğanı aqqında aytmağa esas bere. Eminim ki, kelecekte Qırımda Lviv künlerini keçirermiz", - dedi Lvivdeki "Qırım evi"niñ başı Halil Halilov.
"Qırım künleri" çerçivesindeki tedbirler Qırım MC ve Aqyar şeeriniñ işğalge qarşı tirenüv kününe bağışlanğan.
"Qırım ve Rusiyede 125 Qırım sakini apishanede tutula. Ekseriyeti, bu ise 90 faiz - qırımtatarlar. Bugünde Qırımda Rusiyeden eñ çoq zarar körgenler olardır. Şimdi Ukrainadki bütün ukrainler özüni telükesizlikte is etmey. Biz tınçlıqnı saqlap tutıp, Rusiyeniñ Ukrainanıñ şarqındaki areketleri Ukraina vatandaşlarına olduqça az tesir etmesi içün çalışamız", - dedi Qırımdaki Prezident temsilcisiniñ muavini Tamila Taşeva.
Bu künleri Lvivde "Apisten soñra doğğanlar" foto sergisi numayış etilecek, "Qırımnı yaqınlaştırmaq: yarımadanıñ ve sakinleriniñ reintegratsiyasına ortaq adımlar" ve "Medeniy işğalden azat etüv" mevzularında muzakereler keçirilecek, siyasiy mabüslerniñ mektüpleri oqulacaq.
