Fener Rum Patrigi Bartholomeos yanvarniñ 5-nde İstanbulda Ukraina Ortodoks kilsesi içün tomosnı imzaladı.
Merasimde Ukraina prezidenti Petro Poroşenko ve Ukraina Ortodoks kilsesiniñ lideri Yepifaniy bar edi.
Yanvarniñ 6-nda ilâhi ayinden soñ avtokefaliyağa dair vesiqa Yepifaniyge taqdim etilecektir.
Radio Svoboda İstanbuldaki vaqialarnı canlı yayında taqip etmekte.
Dekabrniñ 15-nde Kyivdeki Sofiya katedral kilsesinde yekâne ukrain yerli ortodoks kilsesini qurmaq içün Birleştirici şura keçirildi. Onıñ lideri olaraq mitropolit Yepifaniy saylandı.
Fener Rum Patrigi Bartholomeos onı İstanbulğa ukrain kilsesiniñ avtokefaliyasına dair tomosnı alması içün davet etti.
