Rusiye ordusı Zaporojjâ ve Zaporojjâ rayonına ücüm etti, dep bildirdi vilâyet yolbaşçısı İvan Fedorov çeçel ayınıñ 15-nde saba.
"Bir qadın ve erkek Zaporojye ve Zaporojye rayonında duşman ücümleri neticesinde elâk oldılar", — dep yazdı o telegram kanalında.
Bundan evel Fedorov, 74 yaşındaki satıcı kioskqa darbe endirilgeni sebebinden elâk oldı, dep bildirgen edi, kiosk daa avtopark, müessise, duraq ve yaqındaki mesken evlerge zarar ketirdi.
Umumen, yerli akimiyetniñ malümatına köre, keçken künü Rusiye ordusı Zaporojjâ vilâyetiniñ 43 meskün yerine 592 darbe endirdi. İnfrastruktura obyektleri, evler ve maşnalarğa zarar ketirilgeni aqqında 47 haber qayd etildi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.