Link açıqlığı

Federal migratsıon hızmetinde rusiye grajdanlığını qabul etmege istemegenler ne yapmaq kerek olğanını añlattılar


Rusiye grajdanlığını red etmege yetiştirmegen Qırım sakinleri Rusiye grajdanlığından çıqmaq içün ariza yaza bileler. Bunı bügün Federal migratsıon hızmetiniñ grajdanlar meselesinde İdareniñ üyken inspektorı İlya Kirillov bildirdi.

«Eger de siz Rusiye pasportını almağan olsañız da, grajdanlığını coymaysız. Bu vaziyette siz endi grajdanlıqtan çıqmaq içün ariza yazmaq kereksiz. Em Rusiye grajdanlığından çıqmaq protsedurasını keçersiz» . Ondan da ğayrı, Rusiye grajdanlığını endi red etkenleri yaşamaq içün vasiqa almalılar. Onıñ yapma müddeti daa belgilenmedi.

«Ukraina grajdanlığını qaldırğanlarınıñ yaşağan yerlerinde registratsıyası qala. Eger olar Rusiyeden çıqmasalar, öz yerini taşlap qaldırmasalar registratsıya da aynı yerde qala. Şunıñ içün olar mında legal şekilde bulunalar. Yaşamaq içün vesiqa ise daa da serbest olmaq maqsadında yapıla»,- dedi İlya Kirillov.

Hatırlatmaq kerek ki, Aksövnov Aqmescitte olğan matbuat konferentsıyasında rus grajdanlığını red etmek içün daa eki-üç afta berilecegi aqqında aytqanına baqmadan müddet uzatılmaycaq.
XS
SM
MD
LG