Sabıq millet vekili, "Azatlıq" Bütün Ukrayina birleşmesiniñ azası İrina Farion Qırımda studentniñ yaqlanmasına sebep olğan yazısı ile bağlı tenqitke cevap berdi.
O, oña destek sözleri ile mektüp yazğan Maksim Glebovnıñ yaşağan yerini bilmegenini iddia ete. Aynı zamanda içtimaiy ağda yayınlanğan resimde yollağan adam Keriçten olğanı ve Aqmescitte oquğanı yazıla edi.
"Maña qarşı nevbettki provokatsiya başlatılğanını körem, sanki menim içün bir student yaqalanğan... Meni yüzlernen adam destekley ve men olarğa bunıñ içün minnetdarım. Bundan ğayrı bu adamlarnıñ ne yerden olğanını bilmeyim bile. Amma memlketimizniñ içindeki duşmannı tek açıq küreş vastasınen yeñe bilecegimizde eminim", - dep yazdı Farion.
Ukrayina prezidentiniñ Qırım MC daimiy temsilcisi Tamila Taşeva student onıñ mektübi sabıq millet vekili, "Azatlıq" Bütün Ukrayina birleşmesiniñ azası İrina Farionnıñ telegram kanalında yayınlanğan soñ yaqalanmasına cevap berdi. Taşeva, işğal altındaki bölgede bulunğan bir kişiden kelgen mektüpniñ yayınlanmasını "alçaqlıq ve cinayet" olaraq adlandırdı.
Söz "İrina Farion" telegram kanalında İrina Farionğa destek mektübi yayınlanğan yazı aqqındadır. Maksim Glebov adından kelgen mektüpte yollağan insan Keriçten olğanı ve Aqmescitte oquğanı yazıla.
Maksimniñ Farionnıñ yayınından soñ yaqalınıp yaqalanmağanını belgilemek imkânsızdır. Farion özü bu vaqianı izaatlamadı. Muarririyet onen bağlanmağa tırışa.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayina tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayina prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
