2014 senesi Qırım Rusiye tarafından işğal etilgen soñ Qırımda yaşağan 11 qadın RF akimiyeti tarafından basqılarğa oğratıldı, dep haber ete Qırımtatar resurs merkezi.
"Yarımadada eñ zayıf qatlam Kreml siyasiy mabüsleriniñ qorantalarıdır, hususan da erkek desteginden marum qalğan apaylar, analar ve qızlar. Menfiy tendentsiya Qırda faallerniñ cinayet ve idariy davalarda taqip etilmesi oldı; Qadınlar sistemli olaraq basqılarğa oğratıla, atta öldürme ve ğayıp olma alları qayd etilgen edi", - dep yazıla bildirmede.
Faallerniñ malümatına köre, 2014 senesinden berli eki ğıyabiy tevqif qayd etilgen, bular ATR telekanılınıñ jurnalisti Gülsum Halilova ve siyasiy mabüs Edem Bekirovnıñ qızı Elenora Bekirova.
Bunday ğayrı, merkez doquz cinayet mesülietke celp etüv aqqında bildire:
- Larisa Kitayska
- Galina Dolgopolaya
- Anna Suhonosova
- Nina Malahova
- Zarema Kulametova
- Valerii Göldenberg
- İrina Gorobtsova
- Leniye Umerova
- İrina Daniloviç
İşğal etilgen Qırımda Rusiye quvetçileri Ukrayinanı desteklegenlerni kütleviy şekilde taqip ete. Uquq qoruyıcılarnıñ malümatına köre, Qırımdaki 186 uydurma siyasiy davalarınıñ 110 qurbanı qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
