Link açıqlığı

Rus haberler hızmetiniñ bildirgenine köre, Qırım sakinleri «Eurovision» yarışınıñ bir de bir iştirakçisine sms vastası ile qol tutmağa isteseler, olarnıñ reyi Ukraina reyi kibi tanılacaq. Bunı KHVlarğa yarışınıñ cemaatçılıqnen alâqası mutehassısı Yarmo Siim bildirdi.

O böyle olacağını Qırımda ukrain alâqa infrastrukturası olğanınen añlattı. Aynı zamnda eger Qırımda ve Aqyarda «Eurovision» yarışı başlağanı qadar +38 kodından vazgeçip Rusiyede olğan +7 kodına keçmege yetiştirseler, Qırım sakinleriniñ reyleri Rusiye reyleri kibi sayılır.

Bundan evel yarışnıñ supervayzeri Ola Sand Qırım sakinleri etraf müitten ayrılmamaq kerek olğanını qayd etti ve sanatnı siyasetnen qarıştırmamağa davet etti.

Yarışınıñ birinci yarıfinalı mayısnıñ 6da Kopenkagende olacaq. Kontsertte em Rusiye temsilcileri Tolmaçöva qızqardaşları «Shine» türküsinen ve Ukrainadan Mariya Yaremçuk «Tick-Tick» türküsi ile iştirak etecekler.

«Eurovision» – Avropa devletleri içün yaratılğan bu sanat türküleri yarışı. Bu yarış 1956 senesinden başlap er yıl keçirile. Onıñ şartlarına köre, eñ populâr türküsü jüri ve yarıfinalda ve finalda iştirak etken devletleriniñ teleseyircileri tarafından tayinlene.
XS
SM
MD
LG