Avropa til birligi ve BBC "Eurovision 2023" yır yarışı Büyük Britaniyada keçirilecegini tasdıqaladı.
"Biz BBC Eurovision yır yarışını 2023 senesi Büyük Britaniyada keçirmege razılıq bergeni içün minnetdamız. BBC artıq dört kere diger ğalip memleketlerniñ yerine yarışnı keçirdi", - dedi yır yarışınıñ icra müdiri Martin Österdal.
Ukrayina Cemaat televizionınıñ yolbaşçısı Mıkola Çernotıtskıy, "Eurovision 2023" yır yarışı Ukrayinada degil, amma Ukrayinanıñ iştiragi ile keçirilecegini qayd etti.
Ukrayina Cemaat televizionınıñ temsilcileri, kelecek sene yarışqa ukrayin elementlerini tatbiq etmek içün BBC ile beraber çalışacaqlar.
İyünniñ 17-nde Avropa Til birligi "mevcut şaraitni nezaretke alıp" Ukrayina "Eurovision 2023" keçirip olamaycağını bildirdi ve yır yarışını Büyük Briatniyada keçirmege teklif etti.
Bu sene "Eurovision" yır yarışında ğalebeni Kalush Orchestra ukrayin gruppası Stefania yırı ile qazandı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
