“Eurovision-2019” yır yarışında jüri ve seyircilerniñ rey berüvi neticesinde Felemenk yırcısı Duncan Laurence ğalebe qazandı, dep bildire Azatlıq Radiosı.
Bu qarar beklenilmegen edi, çünki jüri rey berüvinde İsveçiya yarışçısı ögge çıqa edi, o aman-aman soñuna qadar Şimaliy Makedoniya vekilinen yarışlaşa edi.
Konkursnıñ finalı mayıs 18-inde İsrailde Tev Avivde keçti.
“Eurovision-2019” yarışını ilk sefer 1956 senesi, Avropanı Ekinci cian cenkinden soñ birleştirmek içün keçirgen ediler. Şimdi onıñ seyircilerniñ sayısı pek büyüktir - 200 nillion adamğa qadar.
