Estoniya ükümeti Rusiyeden neft mahsulatlarınıñ ital etilüvini müddetinden evel toqtatmağa qarar aldı. Yasaq dekabrniñ 5-nden Avropa Birliginiñ tayin etken keçüv devriniñ tamamlanmasına qadar quvetini alacaq. Bunı BNS haber etti.
Estoniya TİN yolbaşçısı Urmas Reynsalu, dekabrniñ 5-nden başlap Rusiye neftiniñ ve neft mahsulatlarınıñ cumhuriyetke tranziti tamamınen toqatıtılacağını qayd etti.
Avropa Birligi 2023 senesiniñ fevral ayına qadar Rusiye neft mahsulatlarınıñ ital etilüvi ve tranziti içün keçüv devrini tayin etti.
Evel memleketniñ TİN Avropa Komissiyasına Rusiye gazı ve neftine qarşı sanktsiyalarnıñ deral ve ertaraflı tatbiqi ile bağlı teklif yolladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
