Estoyaniya baş naziri Kaya Kallas bildirgenine köre, Rusiye vatandaşlığını aluv memleketniñ telükesizligine zarar ketire ve böyle insanlar sürgün etile bile. Bu aqta Postimees yaza.
Kallasnıñ fikirince, Estoniyada yaşağan insan Rusiye vatandaşlığını almağa qarar alsa – memleket Ukrayınağa ve halqına ücüm etkende, – seferberlik olsa, Rusiye ordusına qoşulıp, cenkke barmağa azır demek. «Estoniya Cumhuriyetiniñ telükesizligi içün havflı ola ve devlet bunı diqqatsız qaldıramaz», – dep qayd etti o.
Kallas, polis ve sıñır qaravulı bu «terrorizmge qoltutuv» ve Rusiye areketlerine qoltutuv, Estoniya ve ittifaqdaşlarına qarşı bir faaliyeti olıp olmağanını teşkermeli, dep qoştı.
Kallas bunı deputatnıñ ükümet Rusiye vatandaşlığını almağa istegenlerni sürgün etmek içün «yol qıdıramı» sualine cevap berip bildirdi. Bu aqta memleketniñ iç işler naziri ayttı. Kallasnıñ aytqanına köre, oturuv izni meselesi ayrı-ayrı baqıla.
Estoniya ekinci vatandaşlıqqa izin bermey, Rusiye pasportı olğanlarnı ve balalarını sürgün etmeycekler. Böylece, diger vatandaşlıq almağan «sabıq Sovetler Birligi vatandaşları» aqqında aytıla. 2023 senesi yanvar ayında memlekette böyle insanlarnıñ sayısı 64 biñ edi, ealiniñ 4,7%-ı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
