Qırımnıñ Rusiye tarafından ilhaq etilmesi meselesi daima BMT Telükesizligi Şurasınıñ kün tertibinde qalacaq. Bunı "Ukrinform"ğa tefsir bergende, Estoniyanıñ BMT-de daimiy vekili Sven Yurgenson aytıp berdi. Estoniya yanvarniñ 1-inden başlap Telükesizlik Şurasında Şarqiy Avropanı taqdim ete edi.
"Ukrainanıñ, hususan Qırımnıñ işğali meselesi bugün eñ müimlerden birisi ve biz onı daima kün tertibinde tutmağa tırışacaqmız. Bu eñ accı meseledir", - qayd etti o.
O, BMT Telükesizligi Şurası oğraşqan Şarqiy Avropada çatışmalar aqqında sualge cevap bererek, olarğa Pridnestrovye ve Gürcistan vaziyetleri ait dep, ayttı.
"Bizim başqa potentsial davalarımız da bar - Pridnestrovye ya da Gürcistannıñ işğal etilgen qısmı. Amma Ukraina meselesi şimdi eñ accıdır", - qayd etti Yurgenson.
Yanvarniñ 1-inde BMT Telükesizligi Şurasınıñ terkibine yañı daimiy olmağan azalar kirdi: Niger, Sent-Vinsent ve Grenadinler, Tunis, Vyetnam ve Sarqiy Avropanı taqdim etken Estoniya. Bundan evel bu işni Poloniya becere edi, daa evel ise 2016-2017 yıllarda - Ukraina.
