Estoniya ve Finlândiya, soñkisi NATO arbiy ve siyasiy blokuna qoşulğan soñ yalı muafazasını birleştirmege qabul etti. Estoniya Mudafaa naziri Hanno Pevkur, bunıñ Rusiye arbiy gemileri içün Baltıq Deñizine irişimni qapatacağını bildirdi.
"Estoniya ve Finlândiya raketalarınınh uçuş mesafesi Finlândiya körfeziniñ keñliginden ziyade", - dep qayd etti Pevkur.
Finlândiya mudafaa naziri ile körüşüv vaqtında olar memleketelrniñ mudafaasını birleştirmege ve malümat aluv-berüv aqqında añlaşqanlar.
Ortaq raketalardan mudafaa sisteması Finlândiya körfezini Rusiye arbiy gemilerinden qapatmağa imkân berir.
"Finlândiya ve İsveçiya NATO-ğa qoşulğan soñ Baltıq deñizi bağlaşımnıñ iç deñizi olacaq", - dedi o.
İsveçiya ve Finlândiya Rusiyeniñ Ukrayinağa istilâsı fonunda itaraf stutaslarından red etip NATO azası olmaq qarına keldiler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
