Estoniya Avropa komissiyasına Rusiyege qarşı sekizinci sanktsiyalar paketini qoymağa teklif etti. Bunı Estoyani TİN matbuat hızmeti haber etti.
Yañı sanktsiyalar paketi iqtisadiyat, energetika ve ticaret saalarına tesir etmelidir. Aynı zamanda hususiy ve uquqiy şahıslar içün sanktsiyalar cedveli kenişletilmeli. Bundan ğayrı Estoniya rusiyelilerniñ Avropağa seyaatlarına yasaq qoyulmasına ve olar içün Şengen viza zonasınıñ qapatılmasına irişmek niyetindedir.
Estoniya TİN yolbaşçısı Urmas Reynsalunıñ sözlerine köre, sıñırlavlarnı ve "Rusiye tecavuzınıñ fiyatını arttırmaq" içün yañı sanktsiyalar paketini mümkün qadar tez qabul etmek kerek.
İyülniñ 20-nde Avropa Birligi Rusiyeniñ Ukrayinağa qarşı büyük istilâsı sebebeinden memleketke qarşı yedinci sanktsiyalar paketini tayin etti. Sıñırlavlar Rusiyeden altın ve quyumcılıq mahsulatınıñ ihracatını yasaq ete ve Sberbanknıñ Avropadaki aktivlerini blok ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
