Kyiv vilâyetinde Donbasta elâk olğan qırımtatar arbiyi, Ukrayına Milliy gvardiyasınıñ üyken askeri Eskender Nimetullayevnen vedalaştılar. Bu aqta Qırımtatar Milliy Meclisiniñ reisi Refat Çubarov bildirdi.
«Cenazege çoq semetdeşimiz keldi, Eskender yaşında cenk qardaşları keldi… Bir-eki künden soñki aylar uruşlar devam etken bölükleriniñ mevzilerine qaytacaqlar... Yüce Rabbi olarnı ölüm ve yaralardan qorusın, Rusiye varvarlarını yeñmege yardım etsin», – dep yazdı Çubarov Facebookta.
Nimetullayev fevralniñ 4-nde Donbasta elâk oldı. 2002 senesi Herson vilâyeti Geniçesk rayonınıñ Novooleksiyıvka qasabasında doğdı.
Mektepni bitirip, 2019 senesi Herson devlet deñiz akademiyasınıñ Deñiz litseyine oqumağa kirdi. 2020 senesi mezun oldı. 2020 senesi dekabr ayında Nimetullayev Ukrayına Milliy gvardiyasına hızmetke alındı. Eskender olğan bölük Lugansk vilâyetinde yerleşe edi.
2022 senesi mayıs ayında Ukrayına Milliy gvardiyası komandanınıñ buyruğınen «Şanlı hızmet» nişanınen taqdirlendi.
2022 sentâbr ayında Eskender Nimetullayev imtian berip, Devlet ticaret-iqtisadiyat universitetiniñ (Kyiv) ğıyabiy bölüginiñ birinci kursına oqumağa kirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
