Link açıqlığı

Saatnıñ esas haberi

Esir alınğan ukrainalı deñizcilerni Moskva mahkemesinde elçırpmalarnen qarşılaylar (video)


Esir alınğan ukrainalı deñizcilerni Moskva mahkemesinde elçırpmalarnen qarşılaylar (video)
Bekleñiz, lütfen
Embed

No media source currently available

0:00 0:00:46 0:00

Moskvanıñ Lefortovo mahkemesinde Qırım yalısında zapt etilgen ukrainalı deñizcilerniñ tevqif müddetini uzatuv meselesi baqıla. Toplaşqanlar arbiylerni elçırpmalarnen qarşıladı. Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı. Aqmescit ve Keriç mahkemeleri 24 Ukraina deñizcisini apiske aldı. Qırım yalısında zapt etilgen Ukraina deñizcileri Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı. Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı. Ukraina prezidenti Petro Poroşenkonıñ bildirgenine köre, memleket Halqara deñiz uquqı mahkemesine muracaat etip, esir alınğan ukrainalı deñizci ve gemilerni azat ettirmek içün Rusiyege qarşı vaqtınca tedbir almağa rica etti. (Video: arhiyepiskop Kliment)

XS
SM
MD
LG