Link açıqlığı

Saatnıñ esas haberi

Qırımda Eseniki qasabasınıñ sakini memuriyetni ateşke bergeni içün 3 yılğa üküm etildi


İşğal altındaki Qırımda Rusiye kontrolindeki mahkeme İçki rayonınıñ Eseniki (Puşkino) qasabasınıñ sakini Aziz Fayzullayevni «başqasınıñ mülkini telükeli vastanen yoq etkeninde» qabaatlap, üç yıl koloniyada qalmasına üküm etti.

Cinaiy davanıñ malümatına köre, iyünniñ 5-nde gece Fayzullayev «sarhoş olıp, eki Molotov kökteyli yardımınen qasaba memuriyetiniñ binasını ateşke berdi, neticede odalardan birinde sistem bloku, monitor, bilgisayar sıçançığı, masa, dolap, skemleler ve divardaki levhalar zarar kördi». Tahqiqat aytqan zarar miqdarı – 103 biñ ruble.

Bundan ğayrı, yanğından soñ memuriyet binası ciddiy seviyede tamir etilmeli eken, oña akimiyet 500 biñ ruble olaraq qıymet kesti. Fayzullayevniñ VAZ maşinası ve Iphone 8 Plus cep telefonı tevqif etildi.

Hatırlatamız, iyünniñ 8-nde Qırımda İçki rayonınıñ 25 yaşında sakini tutuldı. Onı Eseniki qasabasınıñ memuriyet binasına «Molotov qarışmasını» atqanından şübheli saydılar.

Tutulğan kişi bildirgenine köre, o, Rusiyeniñ Ukrayınağa qarşı büyük ücümine narazılıq bildirmek içün yanğan qarışma attı.

Rusiye Telegram kanalları Qırımda kimligi belli olmağan kişi İçki rayonınıñ Eseniki köyüniñ memuriyet binasına yanğan qarışma şişesini attı, dep bildirgen edi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG