Quralaynıñ 24-nde Qırımtatar faali, Bütündünya Qırımtatar kongressiniñ icra komitetiniñ azası Ervin İbragimovnıñ hırsızlanuvına 10 yıl toldı. O, 2016 senesi evge qaytqanda ğayıp oldı. Daa soñra faalniñ maşnası yol ortasında anahtarları ile tapıldı. Közetüv kameraları, yol polisi hadimleriniñ kiyiminde olğan bir qaç erkekniñ onı mikroavtobusqa zorlap oturtqanını qayd etti. Quralaynıñ 26-nda Kıyivde Qırım evinde aq qoruyıcılar, devlet institutları ve Qırımtatar Milliy Meclisiniñ vekilleri iştiragi ile "10 yıl cevapsız: Ervin İbragimovnıñ davası ve işğalde zorbalıqnen ğayıp oluv sistemi" adlı açıq tedbir ve munaqaşa keçirildi. Anda jurnalist Anton Naumlük, Sergey Nujnenko ve Alina Smutkonıñ fotoresimler sergisi açıldı. Sergi Ervinniñ qorantası, faalniñ qıdıruvı, Qırımdaki basqılar ve Kıyivdeki birdemlik aktsiyaları aqqında. İbragimovnıñ taqdiri alâ daa belli degil. Onıñ davası, zemaneviy Qırımda insanlarnıñ zorbalıqnen ğayıp oluvınıñ eñ meşur adiselerinden biri ve Rusiye işğal akimiyetiniñ repressiv siyasetiniñ timsaline çevirildi. Tedbirde Azatlıq Radiosınıñ mühbiri Sergey Nujnenko bulundı.
"Ervin İbragimov qayda? 10 yıl cevapsız" — Kıyivde, hırsızlanğan Qırımtatar faali aqqında laf ettiler
1
2026 senesi Quralaynıñ 25-inde, Qırımtatar faali, Bütündünya Qırımtatar kongressiniñ icra komitetiniñ azası Ervin İbragimovnıñ hırsızlanuvınıñ 10 yıllığına bağışlanğan fotoresim sergisinde Kıyivdeki Qırım evinde Qırım.Aqiqat leyhasınıñ arhivinden fotoresimler taqdim etildi
2
"10 yıl cevapsız: Ervin İbragimovnıñ davası ve işğal vaqtında insan hırsızlavı sistemi" panel munaqaşasında aq qoruyıcılar, devlet institutları ve Qırımtatar Milliy Meclisiniñ vekilleri, şu cümleden onıñ lideri Refat Çubarov iştirak etti
3
İştirakçiler arasında Qırımtatar halqınıñ milliy lideri, sabıq dissident, Ukrayina halq deputatı Mustafa Cemilev de bar edi
4
Qırımtatar Milliy Meclisiniñ lideri Refat Çubarov, Rusiye tahqiqatı ne İbragimovnıñ bulunğan yerini taptı, ne şübhelilerni tuttı ve 2017 senesi tahqiqatnı resmiy şekilde toqtattı, dep hatırlattı
5
Tedbirde Ervin İbragimovnıñ hırsızlanmasınıñ yıllığına çıqarılğan vesiqalı video da kösterildi
6
Ervin İbragimov 2016 senesi Quralaynıñ 24-nde Bağçasarayda evge qaytqanda ğayıp oldı
7
Daa soñra İbragimovnıñ maşnasını yol ortasında anahtarı ile taptılar. Nezaret kameraları, bir qaç adamnı, tahminlerge köre, yol hızmetiniñ hadimleriniñ urbasında, onı küçnen mikroavtobusqa itep alğanını qayd etti.
Ervin İbragimov ğayıp olğan soñ Qırımda ve dünyanıñ bir çoq memleketinde onı qıdırmaq ve qaçırılğanını tahqiq etmek talabınen aksiyalar keçirildi
Ervin İbragimov ğayıp olğan soñ Qırımda ve dünyanıñ bir çoq memleketinde onı qıdırmaq ve qaçırılğanını tahqiq etmek talabınen aksiyalar keçirildi
8
9
Ervin İbragimovnıñ soy-sopları ve aq qorçalayıcılar bir qaç kere tahqiqatnıñ semereli olmağanını bildirip, Rusiye quvetçileriniñ ya da olarnıñ kontroli altında olğan gruppalarnıñ alâqası bar olğanını tahmin ete ediler
10
Ervinniñ babası Ümer İbragimov tahqiqatnı areketsizlikte qabaatladı. Aynı zamanda Rusiye akimiyeti alternativ versiyalarnı köstere edi: satın aluv, ticariy çatışmalar ya da "Qırımdaki vaziyetni kerginleştirmek" ıntıluvı. Bu beyanatlarnı Qırımnıñ Rusiye prokurorı Natalya Poklonskaya yaptı
11
Dava, aq qorçalayıcılar muracaat etken soñ, Birleşken Milletler Teşkilâtınıñ mecburiy ya da mecburiy olmağan ğayıp oluvlar boyunca iş gruppası tarafından baqıldı