Link açıqlığı

Saatnıñ esas haberi

Rusiyedeki mahkeme «qırımlı musulmanlar davasınıñ» mabüsi Seytosmanovnıñ apis cezasını eki ayğa uzattı


Ernest Seytosmanov, arhiv fotoresimi
Ernest Seytosmanov, arhiv fotoresimi

Rostov-na-Donudaki Cenübiy okrugınıñ arbiy mahkemesi qırımtatar faali, «qırımlı musulmanlar davasınıñ» mabüsi Ernest Seytosmanovnıñ apis müddetini eki ayğa uzattı. Bu aqta «Qırım birdemligi» cemaat birleşmesi haber ete.

«Sorğu vaqtında Ernest Seytosmanov terrorizm ile alâqası yoq, dep ayttı», – dedi advokatı Aleksey Ladin.

İlk tahqiqattan evel imaye daktiloskopik ekspertiza keçirilüvini rica etken edi, dep aytıla haberde. Advokat Ernest Seytosmanovnıñ evinde tintüv vaqtında tapılğan, ve onıñ aytqanına köre, FSB hadimleri gizliden qoyğan risalelerde parmaq izleri barmı-yoqmı bildirmege istedi.

«Olar qabaatlavnıñ esas delillerinden biri ola. FSB muracaatımıznı red etip, bu kitaplarnı özleri qoyğanlarını vastalı bir şekilde qoydı», – dep qoştı imaye.

Nevbetteki mahkeme oturışuvı aprelniñ 3-ne planlaştırıla.

Osmanov 2022 senesi fevral ayında keçirilgen tintüvlerden soñ tutuldı. O vaqıt Qırımnıñ bir qaç rayonında Rusiye uquq qoruyıcıları dört insannı tutqan edi: Ansar Osmanov, Marlen Mustafayev, Ernest Seytosmanov ve Amethan Abdulvapov.

Tutulğanlar Rusiyede terrorist tanılğan, amma bir çoq memlekette milliy qanunlar seviyesinde sıñırsız çalışqan «Hizb ut-Tahrir» siyasiy firqasında iştirak etkeninde qabaatlandı.

Noyabrniñ 30-nde Rusiye mahkemesi Marlen Mustafayevni 17 yıl koloniyada qalmasına üküm etti.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG