İşğal etilgen Qırımnıñ şimalinde Ermeni Bazarda gece saat ekilerde yerli sakinler patlavlarğa oşağan bir qaç sesni eşitti, dep haber ete Qırımnıñ Telegram kanallarında.
«Krımskiy veter» Telegram kanalınıñ malümatına köre, uçucısızlar baqımsız bir çiftlikke ücüm etti, anda Rusiye arbiyleri yerleşken edi, yanğın başlandı. «ÇP Severnıy Krım IZI» Telegram kanalınıñ çatında da yerli sakinler Ermeni Bazar artında patlavlarğa oşağan bir qaç küçlü ses eşitildi, dep bildirdi.
Qırımnıñ Rusiye akimiyeti ve Rusiye arbiyleri vaziyetni izaatlamadı. Bu malümatnı başqa mustaqil menbalardan teşkermek imkânsız ola.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
