Fevralniñ 16-nda saba Ermeni Bazar rayonında küçlü patlavlar eşitildi, dep haber ete Qırımnıñ Telegram kanalları.
Bazıları patlavlar Rusiye arbiy bölüklerinden birinde oldı, dep bildire.
Şeerniñ Rusiye akimiyeti ya da arbiyleri bu vaziyetni şimdilik resmiy şekilde izaatlamay.
Bugün saba Aqyar sakinleri de patlavlar eşitti. Aqyarnıñ merkezinde saat 05:14-te raketa sesi ve küçlü bir patlav eşitildi, camlar tasırlap başladı, dep bildire Qırım.Aqiqat mühbiri.
Aqyarnıñ Rusiye yolbaşçısı Mihail Razvojayev Rusiyeniñ ava mudafaa quvetleri Qırım yalısı yaqınlarında «bir qaç Ukrayını uçucısızını» tüşürdi, dep bildirdi.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
