"Prezident Erdoğan, insanlarımıznı evge qaytarmaq içün Ukrayinanıñ ğayretlerini qayd etti. O, qırımtatarlarnıñ qaytmasına yüksek qıymet kesti ve bu ğayretleri içün teşekkür bildirdi. Prezident Erdoğannı emin ettim ki, taqımımız bu işni devam etecek", — dep yazdı Zelenskıy Telegram kanalında.
O şunı da qoştı ki, Ukraнina ve Türkiye "dünya sammitiniñ" qararlarını amelge keçirüv çerçivesinde aşayt havfsızlığı ve gemicilik serbestligine bağışlanğan konferentsiyanı keçirmege azırlanalar.
Türkiye lideriniñ kommunikatsiyalar departamenti bildire ki, körüşüv devamında "Rusiye-Ukrayina cenki, em de regional ve global meseleler" muzakere etildi. Erdoğannıñ aytqanına köre, "Türkiye cenkni adaletli barışıqnen yekünlemek içün ıntıluvlarını devam ete" ve "barışıqnıñ temelini qoymaq içün er angi teşebbüske, şu cümleden aralaşuvğa azır".
İyün 28-de Rusiye esirliginden on Ukrayina vatandaşı qaytarıldı, olarnıñ arasında Qırımtatar Milliy Meclisi reisiniñ birinci muavini Nariman Celâl bar. Bugünde-bugün ukrain siyasiy mabüsleriniñ sayısı 217 adamnı teşkil ete, olarnıñ 60% - qırımtatarlar, dep bildirdi Ukrayina prezidentiniñ QMC-deki vekâletli temsilcisi Tamıla Taşeva.
Mart ayında Volodımır Zelenskıy Erdoğanğa Rusiye tarafından tutulğan qırımtatarlarnıñ cedvelini berdi ve Ukrayina ukrayin siyasiy mabüsleriniñ azat etilmesinde Türkiyeniñ yardımına ümüt etkenini bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
