Türkiye prezidenti Recep Tayyip Erdoğan ve ömür arqadaşı Emine Kyivden qaytqan soñ yapqan COVID-19 testiniñ neticesi müsbet çıqqan. Bunıñ aqqında Türkiye devlet başı Twiter saifesinde haber etti.
Onıñ qayd etkenine köre, hastalıqnıñ ketişatı qolay eken. Söz, "ömikron" ştammı aqqındadır. Aqay-apay evden çalışmağa niyetleneler.
Ukraina prezidenti Volodımır Zelenskıy Twiter saifesinde yazıp, Türkiye prezidenti ve ömür arqadaşına tezden tüzelmege tiledi.
Fevralnıñ 3-nde Türkiye devlet başı Ukrainağa resmiy ziyaretnen keldi.
Türkiye prezidenti Recep Tayyip Erdoğan Kyivde brifing vaqtında Ukraina topraq bütünligini ve suverenitetini, şu cümleden işğal etilgen Qırımnı da, desteklegenini tekrarladı.
Emine Erdoğan Kyivde "Qırım ailesi" qırımtatar medeniyet ve tasil merkezini ziyaret etti.
