Türkiye prezidenti Recep Tayyip Erdoğan Rusiye lideri Vladimir Putinnen telefonda laf etti, dep haber ete Türkiye ve halqara matbuat vastaları Erdoğannıñ matbuat hızmetine esaslanıp.
Reuters malümatına köre, Türkiye siyasetçisi Kremlni Ukrayınağa qarşı cenkte barışıqqa çağırdı.
«Erdoğan, barışıq ve muzakere çağıruvları bir tarafnıñ ateşni toqtatması ve yemin qararnıñ tahmininen pekitilmeli», – dep aytıla agentlik aydınlatqan Erdoğannıñ matbuat hızmeti yapqan beyanatında.
Berilgen malümatqa köre, taraflar Suriyedeki vaziyetni de laf etti – Erdoğan Putinni Türkiye ile sıñırı olğan Suriye regionlarından kürt bölüklerini çetleştirmek içün «tam adım atmasına» çağırdı.
Kreml, Ukrayınada qış bayramları munasebetinen ateş toqtatıluvı kün tertibinde yoq, dep bildirdi.
Bundan ğayrı, bu meseleni Macaristan baş naziri Viktor Orban da kötergen edi. O, Magyar Nemzet neşirine intervyü berip, cenkte ateş toqtatılmalı, soñra barışıq muzakereleri tizilmeli, dep qayd etti.
«Ukrayına ABD olarğa para ve silâ bergence cenkleşmege devam ete bile. Amerikalılar barışıq istese, barışıq olur», – dedi o.
Ukrayına Tış işler nazirligi macar siyasetçiniñ aytqanları Ukrayınağa olğan «patologik sayğısızlığını» ve «siyasiy uzaq körmemezligini» köstere, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
