Türkiye Cumhuriyeti prezidenti Recep Tayyip Erdoğan Rusiye prezidenti Vladimir Putinnen telefonda laf etip, Türkiye «Ukraina suvereniteti ve topraq bütünligine qarşı iç bir adımnı tanımaycaq» dep bildirdi ve arbiy zıddiyetniñ devamından saqındırdı.
Erdoğannıñ Putinge aytqanına köre, bu «Ankaranıñ printsipial yanaşuvıdır».
Putin ile telefon subeti vaqtında Erdoğan «cenkniñ kimsege faydası olmaycaq», Ankara diplomatiya ve dialognı üstün tuta, dep bildirdi Erdoğannıñ ofisi.
«Türkiye kerginlikni eksiltmek ve barışıqnı saqlamaq içün issesini qoşmağa azır», – dep ayttı Türkiye prezidenti Putinge.
Kreml subetten soñ Putin «DNR» ve «LNR» gruppirovkaları kontrol etken topraqlarnıñ «mustaqilligini» tanıma qararınıñ «obyektiv bir ihtiyac» olğanı aqqında bildirdi.
