Türkiye prezidenti Recep Tayyip Erdoğan Kreml yolbaşçısı Vladimir Putin müddeti kelecek afta bitken aşlıq añlaşmasını uzatmağa razı oldı, dep bildirdi. Bu aqta AFP agentligi yaza.
«Biz Qara deñiz aşlıq koridorını uzatmağa añlaştıq», – dedi Erdoğan jurnalistlerge.
BM Baş kâtibi António Guterres bu afta Putinge añlaşma uzatıluvı aqqında mektüp yolladı. O, Rusiye kübreleriniñ ihrac etilüvi içün manialarnı yoq etüvge qoltuta, bunı Moskva şikâyet etken edi.
Daa bir qaç saat evelsi Rusiye prezidentiniñ vekili Dmitriy Peskov «aşlıq añlaşmasında Rusiyeniñ iştirakini uzatqan yañı elementler yoq», dep bildirdi.
Putin Rusiye ihracatına qoyulğan manialar aqqında añlaşma uzatılmaycaq, dep aytqan edi.
Qara deñiz aşlıq teşebbüsi olaraq belli añlaşma 2022 senesi iyül ayında İstanbulda Rusiye ve Ukrayına tarafından BM ve Türkiyenen tizilgen edi. Soñra bir qaç kere uzatıldı. «Aşlıq añlaşması» iyülniñ 17-nde bite. Moskva onı uzatmaq içün sebep yoq, dep bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
