Ukrayina deñiz limanlarından erzaqnıñ ihrac etilmesi içün zahire koridorı bugün üyle vaqtında işini yañıdan başaladı. Bunı Türkiye prezidenti Recep Tayyip Erdoğan Anadolu ve Reuters agentliklerine bildirdi.
Zahire koridorı işniñ yañıdan başlamasına dair malümatnı Rusiye Mudafaa nazirligi tasdıqladı
Nazirlikniñ malümatına köre, Rusiye tarafı Ukrayinadan arbiy areketler içün deñiz gumanitar koridorını qulanmaycağına dair yazılı kefalet alağan.
Ukrayin tarafı şimdilk bu malümatnı izaatlamadı.
Oktâbrniñ 29-nda Rusiye Mudafaa nazirligi Qara deñiz zahire koridorı ile ukrayin mahsullarınıñ ihracına dair añlaşmada iştiragini toqtatqanını bildirdi. Sebep, dersiñ Ukrayina Rusiye Qırım deñiz flotunıñ gemilerine ve zahire koridorı içün telükesizlikniñ temin etilmesinde iştirak etken Rusiye gemilerine qarşı "terroristik eylem" olğan.
Moskvanıñ beyanatlarına baqmadan oktâbrniñ 31-nde BMT, Türkiye ve Ukrayina zahire añlaşmasını yerine ketirmekni devam etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
