Türkiye prezidenti Recep Tayip Erdoğan Rusiye prezidenti Vladimir Putinnen Moskovada körüşmege niyetlene. Körüşüv Ankara ile Washingtonnıñ davası kerginleşkeninden bir qaç künden soñ ötkerilecek. Dava sebebi ise - Türkiyeniñ Süriyede yapmağa niyetlengen areketlerinen ve Türkiyeniñ Rusiyeden Ava Mudafaası sistemasınıñ satın alacağınen bağlı. Bu hususta Azatlıq Radiosınıñ ukrain hızmeti bildirmekte.
Rusiye haber agentlikleri, Erdoğan ve Putin, muzakere etecek meseleleri arasında, Süriye vaziyetini, Türkiyege S-400 zenit raketa sistemalarınıñ teminatını ve “Türkiye aqımı” leyhasınıñ amelge keçirmegini laf etecek, dep yazalar.
AQŞ ve NATO-nıñ başqa devletleri, Türkiye S-400Ava Mudafaası sistemalarını satın almaq niyetini tenqit ete, çünki olar NATO silâsınen bir kelmey ve F-35 amerikan silâsıla telüke ola bile. Washington Ankaradan Rusiyenen añlaşmanı bozmağa talap ete ve F-35 programmasında Türkiyeniñ iştiragini roqtattı.
