Türkiye prezidenti Recep Tayyip Erdoğan cumaertesi künü Frenkistan prezidenti Emmanuel Macronnı musulmanlarğa qarşı munasebeti sebebinden sert bir şekilde tenqit etti. Erdoğan, Macronnıñ «ruhiy tedaviylevge ihtiyacı bar», dep bildire Azatlıq Radiosı.
Macron ve Erdoğan arasında Libiya, Suriye ve soñki vaqıtları Dağlıq Qarabağ buhranı sebebinden şarqiy Aq deñizdeki uquqiy meselelerde añlaşamamazlıqlar bar.
«Farqlı dinlerni kütken millionlarnen insannı ruhiy tedaviylenmesine çağırğan devlet yolbaşçısı aqqında ne aytmaq mümkün», – dep ayttı Erdoğan.
Macronnıñ memleketniñ lâdiniy qıymetlerini radikal islâmdan qorumaq çağıruvları Türkiye ükümetini açuvlandırdı.
Macron, bu ay islâmnı «dünya buhranında» olğan din dep adlandırdı. Prezident, dekabr ayında Frenkistan ükümeti kilseni Frenkistan devletinden ayırğan 1905 senesiniñ qanunını pekitecek qanun leyhasını taqdim etecek, dep bildirdi.
