Türkiye prezidenti Recep Tayip Erdoğan İsveçiyanıñ NATO-ğa qoşulmasını desteklemege razı oldı, dep bildirdi iyülniñ 10-nda NATO baş kâtibi Yens Stoltenberg.
Onıñ sözlerine köre, o, Recep Erdoğan ve İsveçiya baş naziri Ulf Kristersson içün körüşüv teşkil etken.
"Prezident Erdoğan İsveçiyanıñ qabul etilüv protokolını yaqın zamanda Büyük milliy toplaşuvğa taqdim etmege ve qabul etilüvini tezleştirmege razı oldı", - dep bildirdi Stoltenberg.
NATO Baş kâtibi qararğa Alyansnı "daa quvetli ve telükesiz" yapacaq "tarihiy adım" dedi.
Finlândiya ve İsveçiya alyansqa qoşulmaq içün ariza bergen soñ, iyul ayında olarnıñ NATO-nıñ yañı azaları olaraq tasdıqlanması başlandı. Eki yañı azanıñ NATO-ğa qabul etilüvini mudafaa ittifaqınıñ 30 aza memleketi tasdıqlamalı. Macaristan ve Türkiyeden ğayrı, bütün azalar muracaatlarını endi tasdıqladı.
Ankara NATO azaları olmağa istegen namzet memleketler arasında terrorizm ile küreşniñ yetersiz olğanına sıltav eterek qoşuluvnı blok ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
