"Şimdiki memuriyetniñ yaratqan er halqara buhranını toqtatacam, şu cümleden Rusiyeniñ Ukrayinağa qarşı olğan acınıqlı cenkini - men prezident olsa edim, bu iç bir vaqıt olmaz edi - ve İsrailge ücüm etken cenk - men prezident olsa edim, bu iç bir vaqıt olmaycaq edi", — dedi Tramp.
Tramp öz çıqışında "halqara buhranlarnı" nasıl çezmekni planlaştırğanını ve saylavlarda ğalebe qazanğan soñ Ukrayinağa qol tutacaqmı-yoqmı añlatmadı.
Donald Tramp, saylavlarda ğalebe qazansa, yanvar ayında inauguratsiyasından evel cenkni bitirecegini bildirgen edi. ABD-niñ şimdiki prezidenti Djo Bayden ile televizion munaqaşalar vaqtında Tramp, Kıyiv cenkte ğalebe qazanmaycaq, dep, Ukrayinanıñ mudafaasına milliardlarnen dollar masraf etilüvini tenqit etti.
Aynı zamanda Donald Tramp munaqaşalar vaqtında Rusiye Federatsiyasınıñ prezidenti Vladimir Putin tarafından Rusiye Federatsiyasınıñ Ukrayinağa qarşı açqan cenkini "toqtatuv" şartları olaraq teklif etilgen teklifler "qabul etilmey" dep bildirdi. Tramp kene de tekrar saylanılsa, "Ukrayinada cenkni toqtatır" dep ayttı, lâkin bunı nasıl etip yapacağı aqqında bir şey aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
