Tahqiqatçı Qırımda FSB tarafından tutulğan qırımtatar Enver Kroşnıñ dögülmesi ve iskencelerge oğratılması ile bağlı arizağa öyle de cevap bermegen. Bunı "Qırım birdemligi" cemaat birleşmesi advokat Emil Kurbendinovğa atfı etip bildire.
Qayd etilgenine köre, advokat suçlanğannıñ dögülmesi faktı ile bağlı deral makeme-tibbiyet ekspertizasınıñ keçirilmesi içün muracaat etken.
"Advokatnıñ sözlerine köre, Rusiyede yasaqlanğan "Hizb ut-Tahrir" teşkilâtında iştirak etkeninde ve terrorrcılıqta qabaatlanıp tutulğan Enver Kroşnıñ davası boyunca tahqiqat areketleri zamanı eki muracaat bergen. Kurbedinov, Kroşnıñ bildirgnine köre tintüv vaqtında onıñ evine qoyulğan ekstremist edebiyatında parmaq izleriniñ ekspertizasınıñ keçirilmesiniñ kerekligini bildirgen", - dep yazıla bildirmede.
Malüm olğanı kibi, ekinci muracaat Kroşnıñ dögülmesini teşkermek içün makeme-tibbiyet ekspertizasınıñ keçirilmesi talabı ile bağlı edi.
"Tahqiqatçı cevap bermek kerek edi - bu malümatnı arbiy tahqiqat komitetine yollamalı ve deral suçlanğannıñ dögülmesi faktı ile bağlı makeme-tibbiyet ekspertizasını keçirilmeli edi. Amma alâ daa böyle areketler keçirilmedi", - dedi Kurbedinov.
Rusiye FSBsiniñ hadimleri avgustnıñ 11-nde Qırımnıñ Canköy rayonında qırımtatar faali Enver Kroşnı köteklep işkencege oğrattı. Bu aqta advokatı Emil Kurbedinov «Qırım birdemligine» bildirdi.
Avgustnıñ 11-nde saba faaller işğal altındaki Qırımda Rusiye quvetçileri qırımtatarlarnıñ evlerini tinte, dep bildirdi. Advokatlarğa kirmege izin berilmedi, bazı yerlerde cep telefonı bağı söndürildi. Altı er adamı – Vilen Temeryanov, Enver Kroş, Seitâya Abbozov, Murat Mustafayev, Edem Bekirov ve Rinat Aliyev Rusiyede yasaqlanğan «Hizb ut-Tahrirde» iştirak etkeninde qabaatlanıp tutuldı.
Ukrayına prezidentiniñ Qırım Muhtar Cumhuriyetindeki temsilciligi qırımtatarlarnıñ evlerinde keçirilgen tintüvlerni takbih etti.
Hatırlatamız, 2018 senesi Rusiye quvetçileri qırımtatar faali Enver Kroşnıñ evini endi tintken edi. O, «ekstremist teşkilâtınıñ propagandası» sebebinden 10 künge apiske alındı.
Advokat Emil Kurbedinovnıñ malümatına köre, 2015 senesi dekabr ayında Rusiye quvetçileri qırımtatar faali Enver Kroşnı elektrik aqımınen işkencege oğratqan edi.
Роскомнадзор пытается заблокировать доступ к сайту Крым.Реалии. Беспрепятственно читать Крым.Реалии можно с помощью зеркального сайта: https://krymrdfifckwgzffw.azureedge.net/. Также следите за основными новостями в Telegram, Instagram и Viber Крым.Реалии. Рекомендуем вам установить VPN.
