Zaporijjâ vilâyetiniñ Energodar şeerinde qurtarıcılar öz reberi Vitaliy Troyannıñ Rusiye arbiyleri tarafından qaçırılmasına qarşı narazılıq aktsiyasına çıqtılar. Bunı şeer başı Dmitriy Orlov haber etti.
Şeer başınıñ telegram kanalında yayınlanğan videoda, qurtarıcılar Energodarnınh merkezinde yerli medeniyet eviniñ yaqınlarında mahsus tehnika ile tizilip sirena signallarını açqanlarını körmek mümkün.
Mayısnıñ 19-nda Vitaliy Troyannıñ qaçırılması aqqında belli oldı. Bulunğan yeri şimdilik belli degil.
"Mayısnıñ 18-nde saat 12-lerde işğalciler yanğın bölügine kelip, 1-nci devlet yaynğın qurtaruv mmufrezesiniñ başı Vitaliy Troyannıñ odasında tintüv keçirdiler. Bundan soñ odasını qapatıp, özüni belli olmağa taarfqa alıp kettiler. Hadimlerniñ tahmin etkenlerine köre, işğalciler oña işbirlik etmege teklif etkenler", - dedi Orlov.
Energodarda Vitaliy Troyannıñ qaçırılmasını Zaporijjâ vilâyetiniñ Mudafaa quvetleriniñ qayd etüv kameralarındaki vido tasdıq ete.
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
