Aqmescitteki Gres qasabası ve Aqyardaki Eski Şüli köyüniñ yaşayışı, Qırımdaki Rusiye ordusı, Kızılqoba özeni vadiysinde evlerniñ quruluvı, Gagarin parkınıñ quşları ve Qırım paytahtında yılbaş naratınıñ qoyuluvı – Qırım.Aqiqat dekabrniñ 20-ndan başlap 26-sına qadar eñ müim, meraqlı ve parlaq Qırım fotoresimlerini mında topladı.
Aftanıñ eñ parlaq Qırım fotoresimleri (fotoresimler)
![Saqqa er kes içün açıq balneologik kurort meşurlığını bergen Saq tuzlu gölüniñ yalısı boyunca bu yaz 6 kilometrli pekitilgen yalı kenarı quruldı. ](https://gdb.rferl.org/08ef0000-0a00-0242-cc4c-08d9c576ec44_w1024_q10_s.jpg)
1
Saqqa er kes içün açıq balneologik kurort meşurlığını bergen Saq tuzlu gölüniñ yalısı boyunca bu yaz 6 kilometrli pekitilgen yalı kenarı quruldı.
![Bu afta Qırımda qar yağdı. Qırımnıñ Gidromettsentr yolbaşçısı Tatyana Lübetskayanıñ malümatına köre, dekabrniñ 20-nde Qırımda 10 santimetr qar yağdı.](https://gdb.rferl.org/08ef0000-0a00-0242-2323-08d9c49439fd_w1024_q10_s.jpg)
2
Bu afta Qırımda qar yağdı. Qırımnıñ Gidromettsentr yolbaşçısı Tatyana Lübetskayanıñ malümatına köre, dekabrniñ 20-nde Qırımda 10 santimetr qar yağdı.
![Aqyar körfezinde ise şimaliy yel büyük dalğalar köterdi. Salı künü, dekabrniñ 21-nde, gece yağmurları ve boranlı yağmur yerine qar keldi, ve kün devamında yağmağa devam ete.](https://gdb.rferl.org/08ef0000-0a00-0242-1a03-08d9c484a6c2_w1024_q10_s.jpg)
3
Aqyar körfezinde ise şimaliy yel büyük dalğalar köterdi.
Salı künü, dekabrniñ 21-nde, gece yağmurları ve boranlı yağmur yerine qar keldi, ve kün devamında yağmağa devam ete.
Salı künü, dekabrniñ 21-nde, gece yağmurları ve boranlı yağmur yerine qar keldi, ve kün devamında yağmağa devam ete.
![Sovetler Birligi vaqtından berli Canköy ucuz ve keyfiyetli köy hocalığı mahsulatı satılğan bazarınen meşur edi. ](https://gdb.rferl.org/1be90000-0aff-0242-0f8d-08d9c3aeb7a7_w1024_q10_s.jpg)
4
Sovetler Birligi vaqtından berli Canköy ucuz ve keyfiyetli köy hocalığı mahsulatı satılğan bazarınen meşur edi.
![2021 senesi iyünniñ 18-nde yağğan küçlü yağmurlardan soñ Guva özeni taştı ve Yaltadaki Cafer Seydamet soqağınıñ evlerini suv bastı. Sel ev, hocalıq inşaatları, yol ve özen köprülerini taşlarnen qapattı.](https://gdb.rferl.org/08ef0000-0a00-0242-42f4-08d9c49a144a_w1024_q10_s.jpg)
5
2021 senesi iyünniñ 18-nde yağğan küçlü yağmurlardan soñ Guva özeni taştı ve Yaltadaki Cafer Seydamet soqağınıñ evlerini suv bastı. Sel ev, hocalıq inşaatları, yol ve özen köprülerini taşlarnen qapattı.
![Saqta, Qırımnıñ diger şeerlerinde olğanı kibi, yılbaş naratı Nikolay kününde şeerniñ merkezinde yaqıldı. O künü üylege qadar yerli balalarnı Ayaz Baba ve Qar qızı eglendirdiler.](https://gdb.rferl.org/1bcf0000-0aff-0242-5e5b-08d9c3e037c9_w1024_q10_s.jpg)
6
Saqta, Qırımnıñ diger şeerlerinde olğanı kibi, yılbaş naratı Nikolay kününde şeerniñ merkezinde yaqıldı. O künü üylege qadar yerli balalarnı Ayaz Baba ve Qar qızı eglendirdiler.
![Aqmescitniñ merkezinde «esas» yılbaş naratı tura, soqaqlarda ise yılbaş ışıqları yana. Faqat bu yıl narat Lenin meydanında degil, Görkiy ve Puşkin soqaqlarınıñ kesişüvinde tura.](https://gdb.rferl.org/08640000-0a00-0242-6885-08d9c3d00664_w1024_q10_s.jpg)
7
Aqmescitniñ merkezinde «esas» yılbaş naratı tura, soqaqlarda ise yılbaş ışıqları yana. Faqat bu yıl narat Lenin meydanında degil, Görkiy ve Puşkin soqaqlarınıñ kesişüvinde tura.