Rusiye nezaretindeki Qırım ve Aqyar musulmanları diniy idaresiniñ müfti vazifesine Emirali Ablayev saylandı, dep haber ete Rusiye mediası.
Emirali Ablayev müfti vazifesine Rusiye akimiyeti tarafından teşkil etilgen "VII Qırım musulmanları Qurultayı" vaqtında yañıdan saylandı. Qırım ve Aqyar musulmanları diniy idaresiniñ müfti vazifesini o 5 yıl eda etecek.
Evel Qırım Muhtar Cumhuriyetiniñ prokuraturası fevralniñ 17-nde Emirali Ablayevge kollaboratsion faaliyetinden şübheli sayıla, dep bildirgen edi.
Prokuraturanıñ malümatına köre, Ablayev haber vastalarına izaat berir eken yarımadanıñ işğalini aqlağan ve Rusiyeniñ Ukraiynağa qarşı başlatqan cenkke qoltutqan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
