Ukraina Tış işler naziri Dmıtro Kuleba, Ukraina Nazirler şurası iyünniñ 10-nda Tış işler naziriniñ birinci muavini vazifesine Emine Cepparnı tayinledi, dep bildirdi.
«Taqımğa küçlü oyuncı qoşuldı. Emine aşağıdaki yönelişlerni idare etecek: devlet diplomatiyası, halqara teşkilâtlar, devlet protokolı, Qırım», – dep yazdı Kuleba Facebookta.
Bundan evel Ukraina devlet yolbaşçısınıñ saytı Emine Cepparnıñ namzeti Ukraina Tış işler naziriniñ birinci muavini vazifesine keliştirildi, dep bildirgen edi.
Daa soñra Ceppar işğal etilgen Qırım ve devlet diplomatiyası meselelerinen oğraşmağa planlaştıra, dep bildirdi Qırım.Aqiqatqa.
2016-2019 seneleri Ceppar Ukraina İnformatsion siyaseti naziriniñ birinci muavini edi.
