Link açıqlığı

Saatnıñ esas haberi

Rusiye prokuraturası «qırımlı musulmanlar davasınıñ» mabüsi Emil Ziyadinov içün 17 yıl apis cezasını talap etti


Qırçma, nümüneviy fotoresim
Qırçma, nümüneviy fotoresim

Rusiye prokuraturası «qırımlı musulmanlar davasınıñ» mabüsi, qırımtatarı Emil Ziyadinovnı 17 yılğa apiske almağa talap etti, dep haber ete «Qırım birdemligi» cemaat birleşmesi.

«Devlet qabaatlayıcısı İgor Nadolinskiy mahkemeden Ziyadinovnı 17 yılğa azatlıqtan marum etip, ilk 3 yılını apishanede qalmasını ve azatlıqqa çıqmazdan evel 1 yıl ve 6 ayğa areket sıñırlanmasını talap etti», – dep aytıla haberde.

İmaye tarafı bildirgenine köre, oturışuv keçirilgen Rusiye Cenübiy okrugınıñ arbiy mahkemesinde «reis qadı Stanislav Jidkov bir tarafnı tutqanını kösterdi, toqtamayıp davalaştı, aşıqtırdı, sualler nasıl berilecek dep ayttı, olarğa qıymet kesti».

Daa evel berilgen malümatqa köre, Rostov-na-Donudaki Cenübiy okrugınıñ arbiy mahkemesi «Hizb ut-Tahrir davasınıñ» mabüsi, Büyük-Onlar qasabasında qırımtatar faali Emil Ziyadinovnıñ apiste qaluv müddetini 2022 senesi mayısnıñ 3-ne qadar uzattı.

«Memorial» aq qorçalayıcı merkezi halqara kriteriylerge esaslanıp, «Hizb ut-Tahrir davasınıñ» mabüsi Emil Ziyadinovnı siyasiy mabüs dep tanıy. Bu aqta aq qorçalayıcı teşkilâtnıñ saytında derc etilgen beyanatta aytıla.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG