Rusiye tarafından 7 yıl koloniyada qalmasına üküm etilgen qırımlı Emil Minasov azatlıqqa çıqtı. Bu aqta Qırımtatar resurs merkezi haber etti.
«Bazar künü, iyünniñ 23-nde, Qırımtatar resurs merkezi 7 yıl ve 1 ay koloniyada qalmasına üküm etilgen siyasiy mabüs Emil Minasovnıñ azatlıqqa çıqqanını ögrendi», – dep aytıla haberde.
Qayd etilgenine köre, erkek anasınınıñ yanına Qırımğa qayttı.
Minasov 2017 senesi mahküm etildi. FSB bildirgenine köre, 2016 senesi mart ayından oktâbr ayına qadar o, «içtimaiy ağlarda ekstremist malümatlarını tarqattı». Rusiye uquq qoruyıcıları tam olaraq angi paylaşuvlar aqqında aytılğanını aydınlatmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
