Bağçasarayda martnıñ 4-nde Rusiye quvetçileri, ömür arqadaşınıñ aytqanına köre, «devlet hainliginde ve Ukraina agentlerinen bağı olğanında» qabaatlanğan qırımtatarı Emil Emirovnıñ evinde tintüv keçirildi. Bu aqta «Qırım birdemligi» cemaat birleşmesi haber etti.
Emirov «Krımtelekom» aktsiyalı şirketi yolbaşçısınıñ muavini olıp çalıştı.
Tutulğannıñ apayı Dilâra Emirova tintüv vaqtında quvetçiler advokatnı çağırmağa ve evden çıqmağa izin bermedi, dep haber etti.
«Olardan biri özüni Vladimir Şevçenko olaraq tanıttı – o, odalarnı baqtı, paramıznı, malümat taşıyıcılarını ve bütün elektron taşıyıcılarnı aldı. Qadınnıñ aytqanına köre, o, aqayı Ukraina mahsus hızmetlerinden para aldı ve bunı şahsen itiraf etti, dep ima etti. Uquq nizamınıñ vekilleri Emil Emirovnıñ qabaatlavınen protokolnı berdi, anda o, devlet hainliginde iştirak ete bile ve Ukraina telükesizlik hızmetinen alâqaları ola bile, dep haber etile. Dilâra onı advokatsız imzalamağa razı olmadı, uquq qoruyıcılar onı FSBge sorğuğa çağıracaq, dep qoquzdı. Tintüvde Aqmescitten kelgen eki student şaat bar edi, Bağçasarayda kezeler, dep aytqanlar. Tahqiqat areketleri 3 silâlı askerniñ iştirakinen keçirildi», – dep aytıla haberde.
Dilâra Emirovanıñ fikirince, aqayına qarşı dava sahte ola. «(Emil) oña qarşı şübheler işinen bağlıdır», – dep tahmin ete o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
