«İnsan aqları künü munasebetinen Rusiye esirliginde tutulğan qırımlı siyasiy mabüslerge mektüp yollap, olarnı unumatmağanımıznı, bir özleri olmağanlarını köstermege isteymiz», – dep aytıla muracaatta.
PEN International halqara teşkilâtı Rusiye mahküm etken qırımlı vatandaş jurnalisti ve faal İrına Danılovıçke mektüp yollap, azat etilmesini talap etmege çağırğan edi.
Qırımtatar Resurs Merkeziniñ malümatına köre, Qırımda 2017 senesinden berli esas insan aqlarınıñ 9006 kere bozulğanı qayd etildi. Çoqusı qırımtatarlarnen bağlı.
Qırım.Aqiqat qırımtatarlar Qırımdan kene nasıl quvulğanını, Rusiye qırımtatarlarnı kene evsiz qaldırğanını levhada kösterdi. Film qaramanları ikâyelerini, Rusiye işğal etken Qırımdan nasıl ketkenlerini, ne yaşağanlarını, ne içün qalıp olamağanlarını, şimdi qayda ve nasıl yaşağanlarını ve Qırımğa qaytıp olacaqlarını tarif etti.
Olarnı apiske ala, işkencege oğrata, taqip ete ediler. Rusiye apsine oğramaları mümkün edi. 1944 senesiniñ adiseleri tekrarlana: sovetler akimiyeti qırımtatarlarnı yük vagonlarında çıqarğan edi, şimdi Rusiye tamır halqnı tuvğan evlerini terk etmesine zorlay.
Film premyerası dekabrniñ 10-nda «Suspilne» telekanalınıñ regional ağında oldı. Dekabrniñ 13-nde büyük premyerası Azatlıq Radiosınıñ YouTube kanalında olacaq. Şu künü «Sessiz sürgünlik» Ukrayına milliy telemarafonında kösterilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
