Ukrayina Milliy telükesizlik ve mudafaa şurasınıñ kâtibi Oleksiy Danılov Ukrayina telükesizlik hızmetiniñ (SBU - UTH) Keriç köpründeki patlavlarğa alâqasını tasdıqladı.
"Arbiylerimiz Rusiyede 100 faiz qorunğan sayılğan bir çoq obyektniñ toqunılmazlığını şübe altına ala. Bu, birinci ve ekinci sefer de iştirak etken Telükesizlik hızmeti tarafından doğrudan aytılğan Qırım köprüdir", - dep bildirdi o.
İyülniñ soñunda SBU yolbaşçısı Vasıl Malük SBU hadimleriniñ 2022 senesi oktâbr ayında Keriç köprüniñ inşaasınıñ patlatılmasına alâqası olğanını tasdıqlağan edi.
İyülniñ 17-nde saba Qırımnıñ Rusiye yolbaşçısı Sergey Aksönov Keriç (Qırım) köpründe areket toqtatıldı, dep bildirdi. Onıñ aytqanına köre, Rusiyeniñ Krasnodar ülkesi tarafından 145-inci dayaq fevqulâde adise oldı.
Ukrayina Mudafaa nazirliginiñ Baş istihbarat idaresiniñ spikeri Andriy Yusov Keriç köpründeki «fevqulâde adiseni» izaatlamağa istemedi. «Tek Ukrayina Mudafaa nazirligi Baş istihbarat idaresiniñ reberi Kırılo Budanovnıñ «Qırım köprü – artqaç bir inşaat» degen laflarını tekrarlamaq mümkün», – dep ayttı o.
RBK-Ukrayına menbalarına esaslanıp, Qırım köpründe olğan zararlar – Ukrayına Silâlı quvetleri ve Telükesizlik hızmetiniñ Arbiy-deñiz quvetleriniñ mahsus operatsiyasıdır, dep bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
