Advokat Aleksey Ladin Azatlıq Radiosınıñ ştattan tış hadimi Vladislav Yesipenkonıñ Qırımda tutlğan soñ iskencelerge oğratılmasınıñ tafsilâtlarını aytıp berdi.
Yesipenkonıñ sözlerine köre, o tutulğan soñ «eki kün devamında kötektengen, elektrik aqımınen iskencege oğratılğan ve öldürüvnen tehdit etilgen».
«Tutulğan anden ve Aqmescitteki muvaqqat izolâtorğa yerleştirilmesine qadar onı mağazda iskence yapkanlar. Eki kün. Onı elektrik aqımınen çekiştirgenler, köteklegenler. Özüne iftira ettirmege istey ediler», – aytıp berdi Ladin.
Bundan ğayrı Yesipenko mahkemede onı öldürüvnen tehdit etkenlerini bildirdi.
«İtiraf etmese, belki de kamerada asılğan vaziyette tapılacağını ve er şey intar etkeni şekilde ola bilecegini ayttılar. Mahkeme oturışında Vladislav Yesipenko intar etmecegini ayttı. Bundan ğayrı Krım 24ke bergen intervyüde itiraf etmege mecbur olğanını ayttı. Oña evel azırlanğan metin bergenler, onı ezberlemege emir etkenler, akis alda iskenceler devam etecegini aytqanlar ve kene öldürüvnen tehdit etkenler», – dedi advokat.
Martnıñ 16-nda Rusiye FSBsiniñ cemaat alâqaları merkezi, martnıñ 10-nda Qırımda Vladislav Yesipenko «Ukraina mahsus hızmetleriniñ menfaatları içün» malümat toplağanı sebebinden tutuldı, dep bildirdi.
FSB bildirgenine köre, Yesipenko Qırımda yaşayış ve insanlar toplaşqan yerlerniñ foto ve videolarını çıqarğan edi. Mahkeme onı Qırımda apiske aldı.
Müessise, Yesipenkonıñ şaatlığına esaslana. O, «Ukraina Tış istihbarat hızmetiniñ 5-inci departamenti 8-inci yedeginiñ zabiti polkovnik Kravçuk V.A. emrinen Ukraina mahsus hızmetleriniñ menfaatları içün malümat topladı ve onıñ tevsiyesinen telükesizligini qorumaq içün maşinasında el yapılğan patlayıcı cihaznı saqladı», dep aytqan eken. Kreml kontrolindeki mahkeme Yesipenkonı mayısnıñ 11-ne qadar apiste qaldırdı.
Ukraina Tış istihbarat hızmeti, FSBniñ Vladislav Yesipenkonıñ Ukraina mahsus hızmetleri ile işbirligi aqqında malümatını Qırım.Aqiqatqa aytıp, «Rusiye mahsus hızmetleriniñ provokatsiyalarını izaatlamay», dep bildirdi.
«Qırım işğaliniñ yılı arfesinde bu propaganda aktsiyası – ealiniñ diqqatını yarımadanıñ iç problemlerinden uzaqlaştırmaq içün yahşı bir manaçıqtır», – dep qoştı Ukraina Tış istihbarat hızmetiniñ matbuat hızmeti.
Qırım Muhtar Cumhuriyetiniñ prokuraturası, Ukraina uquq qoruyıcıları Qırımda Vladislav Yesipenkonıñ tutuluvı ve apiske alınması sebebinden cinaiy tahqiqat başlattı, dep bildirdi.
Ukraina Tış işler nazirligi Qırımda tutulğan Vladislav Yesipenkonen mustaqil advokatnı körüştirmege talap ete.
