Rusiye tarafından işğal etilgen topraqlardan elâk olğan 84 ukrayinalı arbiyniñ cesedi Ukrayinağa qaytarıldı. Bunı Bellisiz ğayıp olğanlar meseleleri vekâletlisi Oleg Kotenko bildirdi.
Elâk olğan ukrayinalı arbiylerniñ cesetlerini qaytaruv esnası devam ete ve o Jeneva şartnamesi qaidelerine binaen ömürge keçirile, dep bildirdi Kotenko.
Rusiye tarafı deñişüv aqqında haber etmedi.
Bundan evel böyle deñişüv avgustnıñ 4-nde olğan edi. O zaman 44 ceset qaytarılağan edi. Aynı şu künü Rusiye tarafı elâk olğan arbiyiniñ 160 cesedini qaytarğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
