Suriyede vazifelerini yerine ketirgende elâk olğan rusiyeli ve suriyeli arbiylerniñ yigirmi balası Aqmescitke çarşenbe künü, mayısnıñ 8-nde, «Artek» lagerinde raatlanmaq içün keldi, dep bildire TASS Rusiye devlet haber agentligi Aqmescit ava limanınıñ matbuat hızmeti bergen malümatqa esaslanıp.
«Suriyeden bir gruppa balalar Qırımğa keldi, uçaq Aqmescit halqara ava limanında bugün Moskva saatına köre saat 9:40-ta qondı. Şu uçaq seferinen Suriyede vazifede bulunğan rusiyeli arbiylerniñ balaları da keldi. Umumen 20 suriyeli ve rusiyeli bala «Artekke» raatlanmağa baracaq», – dep bildirdi matbuat hızmeti.
Daa evel Rusiye Devlet dumasınıñ deputatı Dmitriy Sablin Suriyede vazifelerini yapqanda elâk olğan suriyeli ve rusiyeli arbiylerniñ yigirmi balası Qırımdaki «Artek» bala lagerine raatlanmağa ketti, dep bildirgen edi.
Rusiye kütleviy haber vastaları Qırımnıñ Rusiye ükümeti reisiniñ muavini Georgiy Muradovnıñ malümatına esaslanıp, Qırımda Suriyedeki cenkte yaralanğan 50 bala ve 30-40 arbiyni tedaviylev ve reabilitatsiyağa qabul etmege azır, dep yazğan edi.
