İşğal etilgen Qırımda Rusiye politsiyasınıñ quvetleştirüvi, Rusiye akimiyeti aytqanı kibi, turistik mevsimnen degil de, Rusiye arbiyleriniñ bulunğan yerleri, şu cümleden tedaviylenüv ve reabilitatsiyağa oğrağanlar, etrafında uquq-nizamnı nezaret etüvnen bağlı. Qırım Reintegratsiya Assotsiatsiyasınıñ eksperti Boris Babin Qırım.Aqiqatqa böyle fikir bildirdi .
"İşğalciler "yaz mevsiminde" qanunsız areketler ile küreşniñ quvetleştirilmesine kimse şaşırmaz, işğal etilgen yarımadada "turistik aşlangı" beklenile. Şimdiki şaraitlerde işğalci, olarnıñ kelüvine azırlanmaq yerine, "milyonlarnen raatlanıcı"nı taqlit etecek ola. Tecavuzcı kerçekten arttıra ve arttıracaq şey - bu, öz arbiy politsiya bölükleri, şimdi Qırımğa qaytqan Rusiye ordusınıñ yedekleri içün", –dep qayd etti ekspert.
Babinniñ qayd etkenine köre, yañı kelgen politsiya hadimleriniñ bir qısmı Qırımda kadrlar rotatsiyası çerçivesinde qalacaq.
"Yaz mevsiminde quvetleştirüv adı altında işğalciler nevbetteki "kadrlar aylanuvına" azırlana, mında qış mevsimine yaqın kelgenlerniñ çoqusı, yardım etmek içün yollanılğanlarnıñ yerini alacaq", - dep qayd etti ekspert.
TASS Rusiye devlet agentliginiñ bildirgenine köre, Rusiye İçki işler nazirligi ilhaq etilgen Qırımğa, Krasnodar ülkesi ve Siriusqa turistlerniñ raatlığını temin etmek içün qoşma olaraq 500-den ziyade politsiya hadimini yollaycaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
