İsveçiyalı ekologiya faali Greta Tunberg Kahovka suv elektrik stantsiyasınıñ dağıluvını izaatlar eken, Rusiye Ukrayina cenübinde ekotsid yaptı ve bunıñ içün cevap bermeli, dep bildirdi.
Öz Twitter saifesinde Tunberg dağılğan suv elektrik stantsiyasınıñ resimlerini paylaşaraq, yazdı:
"Ukrayinanıñ esassız keniş istilâsını devam ettirgen bu ekotsid dünyanıñ söz tapmaqta qıyınlıq çekken nevbetteki vahşiyliktir. Közlerimiz kene de, öz cinayetleri içün cevap bermeli olğan Rusiyededir".
Greta Tunberg, 2018 senesi İsveçiya Parlamentiniñ binası ögünde narazılıq bildirip başlamasınen belli oldı. O, akimiyet iqlim añlaşmasınıñ şartlarına riayet etip başlağanına qadar cuma künleri mektepke barmaycağını bildirigen edi.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
