Tibbiy baqınuvdan soñ ekim, vatandaş jurnalisti İrına Danılovıçqa vaqtında tibbiy yardım kösterilmegeni içün eşitme qabiliyetini ğayıp ete bilecegini tasdıqlağan. Bunı "QırımSOS" uquq qoruyıcı teşkilâtınıñ talilcisi Yevgen Yarrşenko bildirdi.
"QırımSOS", yaqında İrına Danılovıç qısqa tibbiy baqınuvdan keçip olğanını ögrendi. Ekim eşitme problemleri ve qoşma baqınuvğa ihtiyacı olğanını tasdıqladı. İrına Danılovıçnıñ vaqtında tibbiy yapdım kösterilmegeni sebebinden eşitme qabiliyetini ğayıp ete bilecegi faktınıñ kerçekligi yüzde 50-dir", - dedi Yaroşenko.
Daa evel, İrına Danılovıçnıñ babası Bronislav Danılovıç Qırım.Aqiqatqa qızınıñ saglıq alı qanaatlendirmegen qalmağa, baş ağrısından, eşitme ve areket koordinatsiyasınen bağlı problemlerden aytınmağa devam etkenini bildirgen edi.
Martnıñ 22-nde Qırım.Aqiqat mühbiri Qırımda 7 yıl apis cezasına mahküm etilgen vatandaş jurnalisti ve emşire İrına Danılovıç "normal tibbiy tedaviylev kösterilgenine qadar ya da ölgence" quru açlıq aktsiyasını ilân etkeni bildirgen edi.
"Dört aydır eşitme qabiliyetim zayıftır ve sol qulağım daima çıñlay, bu maña dayanılmaz ağrı ketire. Böyle alemetler menim mikroinsult keçirgenimni köstere bilir", - dep yazdı faal", - qırımlı faal İrına Danılovıç yazğan edi.
Emşire ve vatandaş jurnalisti keçken sene aprelniñ 29-nda işten evge qaytqanı zaman Rusiye quvetçileri tarafından yaqalanğan edi. İrınanıñ Aqmescit tahqiqat tevqifhanesinde olması yalıñız 13-ünci kün belli oldı. Bütün bu vaqıt tuvğanları ve tanışları onı tapmağa tırıştılar. Olarğa Köktebelniñ kenarındaki yaqıt stantsiyalarından birinde tapılğan İrınanıñ tutıp esir etilmesiniñ video yazısı yardım etti. Adiy urbağa kiyingen bir qaç kişiniñ İrınanı arabağa nasıl itep oturtqanlarını köstere. Bu video esasında faalniñ babası Rusiye polisine ariza ile muracaat eterek, adam tutıp esir etilmesi faktı ile bağlı cinayet davasınıñ başlanmasını talap etti.
Danılovıç emşire olıp çalıştı, içtimaiy ağlarda saifesi ve bir qaç bloger yazısı bar edi. Yazğanları esasen sağlıq hadimleri ve işğal altındaki yarımadada sağlıq problemlerinen bağlı edi.
2022 senesi dekabrniñ 28-nde Qırımdaki Rusiye mahkemesi vatandaş jurnalisti ve emşire İrına Danılovıçnı yedi yılğa apis cazasına makhüm etti. Mahkeme qadınnı Rusiye Ceza kodeksiniñ 222.1 maddesine istinaden «Patlayıcı madde ya da patlayıcı cihazlarnı qanunsız satın aluv, berüv, satuv, saqlav, taşuv, yollav ya da yanında taşımasında» qabaatlı tanıdı. Apis cezasından ğayrı qadın 50 biñ ruble para cezasını ödemeli.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
